Олунньу 28 күнүгэр «Арас сыыйа — Мин устуоруйам» пааркаҕа «Творение Айыы» мода көрдөрүүтэ улахан ситиһиилээхтик ааста. Худуоһунньук Туйаара Стручкова быыстапкатын чэрчитинэн ыытыллыбыт тэрээһин 222 кыттааччыны түмтэ уонна Саха сиригэр Култуура сылын аспыт чаҕылхай тэрээһиннэртэн биирдэстэрэ буолла, сыыппара ускуустубата, төрүт үгэстэр уонна үтүө санаа тупсаҕайдык түмсүбүттэрин көрдөрдө. Көрдөрүүгэ Томпо, Уус Алдан, Мэҥэ Хаҥалас, Хаҥалас, Нам улуустарыттан уонна Дьокуускайтан 15-тэн тахса айар кэлэктиип кытынна, эмтэниигэ наадыйар оҕоҕо көмө үп-харчы киирдэ.
Көрдөрүү программата киэҥ буолла: саха төрүт таҥаһа, киэргэллэр, хотугу этностиль уонна дизайнердар үлэлэрэ. «Хотугу этностиль» блокка көрөөччүлэр «Сардаана» национальнай үҥкүү оскуолата толорбут «Имаана» үҥкүүтүн биһирээтилэр (хореограф — Светлана Николаева, туруорааччы – Василий Старостин). «Ситим» (салайааччы Дьулустаан Кычкин), «Кындыкан» академия (сал. Ирина Данилова), «Аяврина» үҥкүү ансаамбыла (салайааччы Саргылана Алексеева), «Сардаана» национальнай үҥкүү оскуолата (салайааччы Наталия Яковлева), «Юлтэна» бөлөх (салайааччы Наталия Яковлева), КМНС тыйаатыра (салайааччы Климентий Черемкин), «Премьера» оҕо үҥкүү оскуолата (салайааччы Алёна Запорожец), «Одун» норуот ансаамбыла (салайааччы Туйаара Колодезникова), «Саха сирин бриллианнара» оҕо тыйаатыра (салайааччы Зоя Соловьева), «Сюрприз» норуот үҥкүү ансаамбыла (салайааччы Ирина Егорова), «Үҥкүлээ-2025» бырайыак кыайыылааҕа Ксения Потапова кытыннылар.
Программаны «Эрэл» норуот ансаамбыла арыйда, онтон «Айыы кыһата» национальнай гимназия «Кыл бөлөх» норуот ансаамбыла, биллэр ырыаһыттар Евгения Шамаева, Артур Портнягин, Александра Старостина, ону тэҥэ С.А. Зверев-Кыыл Уола аатынан Үҥкүү театрын артыыһа Василена Шарина кытыннылар. Фантазия блогун Айтал Алексеев-Уран музыкатынан киэр гэттэ. Хотугу блокка – Василий Старостин, Светлана Николаева, «Сардаана» национальнай үҥкүү оскуолата. Дизайнер Евсей Иванов «Вдохновение» коллекциятын биллэр блогердар Евгения Шамаева-Колымчаана, Артур Портнягин, Андрей Семенов-Күн уола Өндөр Өй, Наталия Слецова (Корякина) уонна Ланда Аммосова көрдөрдүлэр. «Хотой» национальнай бренд таҥаһын дириэктэрэ Чэлгийэ Сүбэ уонна Сардаана Лыткина, Ирина Ефремова, Дарина Ного вицына, Светлана Тен, Сахайаана Туймаада Куо, Ангелина Уганшина, Василиса Яковлева көрдөрдүлэр.
Тэрээһин уус-уран дизайнын Туйаара Стручкова оҥордо. Кини сыыппара эйгэтинэн ускуустуба көрүҥнэрин ураннык түмтэ. Фантазия стилинэн Хомпоруун Хотой уобараһын айбыта. Биэчэри «Саха» НКИХ үлэ һиттэрэ Дьулус Иванов уонна Ньургуйаана Ботуева ыыттылар. Култуура сылын чэрчитинэн СӨ Ил Түмэнин бэрэссэдээтэлин солбуйааччы Александр Подголов тэрээһин үрдүк таһымын уонна суолтатын бэлиэтээн туран махтал суруктары туттарда. Ону таһынан, худуоһунньук Туйаара Стручковаҕа «Саха норуодунай суруйааччыта Егор Неймохов 75 сыла» үбүлүөйдээх бэлиэни Мэҥэ Алдан нэһилиэгин баһылыга Юрий Коммисаров, кини солбуйааччыта Олимпиада Колодезникова уонна суруйааччы кэргэнэ Мария Петровна Неймохова туттардылар.
Томпо оройуонуттан Мэҥэ Алданнааҕы ускуустуба оскуолатын уһуйааччыта Айталина Хоноехова төрүт таҥаска кытынна уонна стилизованнай киэргэллэргэ «Сиэл сипсиэрэ» коллекциятын 11-с кылаас оҕолоро ситиһиилээхтик көрдөрдүлэр. «Творение Айыы» тэрээһин ускуустуба, мода уонна култуура үтүө сыал туһугар дьону түмэрин чаҕылхай холобура буолла.
«Кладезь Якутии» үтүө санаа фондатын матырыйаалыттан