Тохсунньу 7 күнүгэр Томпотооҕу оҕо спортивнай оскуолатыгар Ороһуоспатааҕы төрүт оҕунан ытыыга оройуоннааҕы турнир буолан ааста. Уопсайа күрэххэ 4 нэһилиэктэн 20 оҕунан ытааччы кэлэн кыттыыны ылла. Ударник, Кириэс-Халдьаайы, Мэнэ Алдан, Хаандыга охчуттара күөн көрүстүлэр. «Байанай бэлэҕэ» диэн төрүт оҕунан ытыы быраабылатынан үс (куобах, кус, тииҥ) көрүҥүнэн тыҥааһыннаах күрэхтэһии буолла.
Кыайыылаахтар үс көрүҥ түмүгүнэн быһаарылыннылар.
Дьахталларга:
Сыромятникова Мария, Мэнэ Алдан — 3 миэстэ (56 очк).
Протопопова Анастасия, Хаандыга — 2 миэстэ (59 очк).
Эверстова Валентина, Хаандыга — 1 миэстэ (72 очк).
Эр дьоҥҥо:
Андросов Петр, Хаандыга — 3 миэстэ (43 очк).
Бурцев Алексей, Ударник — 2 миэстэ (44 очк).
Сыромятников Денис, Кириэс-Халдьаайы — 1 миэстэ (54 очк).
Абсолютнай ытыы түһүмэҕэр, дьахталларга Мондоева Анна, (Хаандыга), эр дьоҥҥо Сыромятников Денис (Кириэс-Халдьаайы) муҥутуур кыайыылаахтарынан буоллулар.
Петр Андросов