Муус устар 8 күнүгэр Аллараа Бэстээххэ «Культура села в кризисные времена: точки опоры » диэн култуура үлэһиттэрин түмэр, үлэҕэ саҥа ньымалары тарҕатар өрөспүүбүлүкэтээҕи методическай форум ыытылынна. Форум култуура эйгэтигэр сүҥкэн кылаатын киллэрбит новатор үлэһит С. В. Хон сырдык аатыгар ананна.
С. В. Хон Кириэс Халдьаайыга иккитэ кэлэн семинардаан барбыта. Баай опытыттан бэрсэн дьириҥник үөрэппитэ. Кини биэрбит билиитин иҥэринэммит тыа сирин бастыҥ үлэлээх 15 кулууптарын талбыттарыгар 2013 сыллаахха 517 кулууптан талыллан Президентскэй кулууп үрдүк аатын биэрбиттэринэн киэн туттабыт. Форумҥа өрүспүүбүлүкэбит араас муннугуттан барыта 300 култуура үлэһитэ түмүстэ. Тэрээһинтэн саҥа, сонун бырайыактары билистим. Кириэс Халдьаайы кулууба «Кынаттаах кинигэ» диэн инклюзивнай бырайыагынан кыттынна. Барыта 25 бырайыагы иьиттибит. Кыайбыт бырайыактар Россия таһымнаах күрэххэ ыытыллаллар.Онон тэрээьиҥҥэ үлэ опытын атастаһан астынан кэллим. Эһиил Чурапчыга ыытыллара сабаҕаланар.
Альбина Баланова