Алтынньы 3 күнүгэр, биһиэхэ олус долгутуулаах, улахан суолталаах түгэн –Өрөспүүбүлүкэтээҕи сэрии уонна үлэ бэтэрээннэрин эстафетатын туоһулара буолабыт. Бу судургутук былааҕы туттарыы буолбатах, бу көлүөнэлэр ситимнэһиилэрин, устуоруйа өйдөбүлүн харыстааһын уонна бэтэрээннэрбит үтүө дьыалаларын салгыыры көрдөрөр бэлиэ буолар.
Бу акция 2026 сыл бэс ыйыгар бэтэрээннэр сэбиэттэрэ тэриллибитэ. Акция Уус Алдан улууһун 40 сылыгар аналлаах үбүлүөйгэ саҕаламмыта. Знамя саха сирин бары улуустарын, куораттарын уонна саамай ыраах нэһилиэктэрин кэрийэн баран, киин куоракка бэйэтин айанын түмүктүөҕэ уонна өрөспүүбүлүкэ таһымнаах үбүлүөйдээх тэрээһин сүрүн бэлиэтэ буолуоҕа. Былааҕы көрсүүгэ эҕэрдэ Мэҥэ-Алдан нэһилиэгин аҕа баһылыга Юрий Комиссаров эттэ.
Ону тэҥэ, Томпо улууһун Мэҥэ-Алдан нэһилиэгин тыа сирин поселениетын нэһилиэктээҕи Сүбэтин 2026 сыл балаҕан ыйын 25 күнүнээҕи 10-с сессиятын 23 нүөмэрдээх уурааҕынан, олохтоох бэтэрээннэр сүбэлэрин ходатайствотыгар олоҕуран уонна 80 сааһын туолбут үбүлүөйүнэн сибээстээн, Российскай Федерация үлэтин бэтэрээнигэр, Саха Өрөспүүбүлүкэтин фармациятын туйгунугар Анна Габышеваҕа Томпо улууһун «Мэҥэ-Алдан нэһилиэгин бочуоттаах гражданина» диэн ытык ааты нэһилиэктээҕи Сүбэ бэрэссэдээтэлэ Юрий Комиссаров туттарда. Анна Ивановна нэһилиэккэ өр сыл фармацевт эйгэтигэр үтүө суобастаахтык үлэлээбитэ, дьон доруобуйатын туһугар сүрэҕин ууран туран сүдү кылаатын киллэрбитэ. Бу улахан бэлиэ ааты кырдьаҕаһы ытыктааһын, өбүгэбит саҕаттан кэлбит сибэтиэй үгэспит буолар.
Бу киэһэ баянынан ырыалары таайыы, былыргы киинэлэр рекламаларынан киинэ аатын таайыы, караоке, үҥкүү былыргы музыкаларга, кыайыылаах үрдүк аатын Мария Гоголева супер приһы ылан үөрэн-көтөн тарҕастылар, өссө да инникитин тэрээһиҥҥэ кыттыах, дууһалыын сынньанан үөрэн-көтөн тарҕастылар.
Елена СТЕПАНОВА, Н.И. Колодезников аатынан култуура дьиэтин дириэктэрэ