Герой Ф.М. Охлопков аатынан Кириэ Халдьаайы агрооскуолатын иһинэн 2012 сылтан «Байаҕантай кэскилэ» диэн үлэ-сынньалаҥ лааҕыра үһүс сезонун оҕолору түмэн тахсыылаахтык үлэлэтэ сылдьар. Начальнигынан Матрена Егоровна Бысыина, иитээччинэн Прасковья Александровна Находкина, үлэҕэ үөрэтэр оскуола маастардара Ульяна Семёновна Соколова, Инна Руслановна Екечьямова, сүрүн техническэй үлэһитинэн Руслан Михайлович Екечьямов, Пелагея Михайловна Охлопкова үлэлииллэр. Барыта үс сезоҥҥа 77 оҕо хабылынна. Оҕолор эбиэт иннинэ теплица үүнэйилэрин: огурсуну, помидору, биэрэһи көрөннөр быьһаллар, уу куталлар, баайаллар. Оҕуруот сыыһын ыраастыыллар, уу куталлар, буорун көбүтэллэр, хаппыыстаттан үөнун ыраастыыллар. Ол курдук кинилэр сатабыллаах илиилэригэр хаппыыста, моркуоп, сүбһөкүлэ баар.
Онтон оскуола таһын араас дьэрэкээн сибэккилэригэр уу кутан, аналлаах территорияларыгар оттууллар.
Эбиэккэ асчыт Антонина Пантелеймоновна Соловьева оҕолору минньигэс аһынан көрсөр.
Онтон араас тиэмэлээх биэчэрдэр, күрэхтэр, викториналар тэриллэн ыытылаллар. Оҕолор көхтөөхтүк, үлэҕэ иитиллэн сынньалаҥнарын туһалаахтык атаараллар. Күһүн нэһилиэкпит дьоно оҕолор үөрэ-көтө үүннэрбит астарын хамаҕатык астына ылыахтара турдаҕа.
Альбина Баланова