Үөгэн библиотекатыгар саха уһулуччулаах судаарыстыбаннай диэйэтэлэ, суруйааччы, учуонай П. А. Ойуунускай 130 сылыгар аналлаах тэрээһиннэр буолан аастылар. Ол курдук «П. А. Ойуунускай- саха норуотун улуу уола» кинигэ быыстапкатыгар кини олоҕун, айар үлэтин сырдатар кинигэлэр турдулар, суругунан биктэриинэ ыытылынна. Куйаар ситиминэн «Мин Ойуунускайы ааҕабын#Я читаю Ойунского» челлендж биллэрэн оройуон эрэ иһиттэн буолбакка, Дьокуускайтан, Намтан, Ньурбаттан тиийэ кытыннылар. Түгэнинэн туһанан челленджка кыттыыны ылбыт ааҕааччыларга махтанабын! Махтанабын бииргэ үлэлиир коллегаларбар Томпо оройуонун библиотекатыгар, Кириэс -Халдьаайы, Мэҥэ-Алдан, Саһыл, Ыҥаа, Сайдыы библиотекардарыгар күүс-көмө буолбуккутугар.
Маны таһынан » Өркөн өй» оонньуу ыытылынна. Бу күн икки хамаанда П. А. Ойуунускай айымньыларынан биэстии ыйытыылаах, үс түһүмэхтэн турар аахпыты тургутар оонньууну оонньоотулар.
Бастакы хамаанда үрүҥ көмүс мэтээли, иккис хамаанда бронза мэтээли ылары ситистилэр. «Оҕо куйуурдуу турара» айымньытынан видео уһулан куйаар ситимигэр таһаардыбыт. Куйуурдьут уол оруолун Үөгэн сүрүн оскуолатын 4 кылааһын үөрэнээччитэ Слепцов Савелий толордо.
Үөгэн библиотеката , киэн туттар суруйааччыбыт П. А. Ойукунускай үбүлүөйдээх сылынан кини айымньыларын сырдаттыбыт, тарҕаттыбыт.
Татьяна Гоголева