1990 сыл балаҕан ыйын 27 күнэ – республикабыт саҥа кэминээҕи сайдыытыгар бастакы акылааты уурбут историческай суолталаах кэрэ-бэлиэ күн быhыытынан үйэ саас тухары үөрүүлээхтик ахтыллар.
Бу Саха сирин норуотун дьулуhуутунан ылыллыбыт улахан суолталаах политическай быhаарыы республика дьонун сомоҕолообута — дьон Ийэ дойдутунунан киэҥ туттубута, дойду кэскилин туhугар эппиэтинэhэ үрдээбитэ.
Мэҥэ Алдан нэһилиэгэ туора турбакка бу улахан өйдөбүллээх күҥҥэ түөлбэлэр көхтөөх кыттыыны ыллылар.Тэрээһиммитин Мэҥэ Алдан нэһилиэгин депутата, алын кылаас учуутала Саргылана Петровна Сыромятникова тыл этэн арыйда. Ону таһынан 4 түөлбэ бары эҕэрдэ тыл уонна ырыа ыллаатылар. Тэрээһин оһуохайынан уонна уопсай хаартыскаҕа түһүүнэн түмүктэннэ.
