П.П.Колодезников аатынан оҕо музыкальнай оскуолатын учууталлара алтынньы 2 күнүгэр кырдьаҕастар декадаларыгар анаан араас көрүҥ маастар кылаастары ыыттылар.
Ол курдук,хомуска бастакы холонуу — Азия Комиссарова хомуһу хайдах туттары,илии хайдах хамсаныахтааҕын көрдөрөн, оонньоон үөрэттэ.Баян доҕулуоһунан Лазарь Сивцев ырыа ыллатан эдэр саастарын санатта. Анна Спиридонова сирэй, уос-тиис хамсанан сөпкө саҥарарга артикуляционнай гимнастика оҥоттордо.
Виктория Рудых акварель кыраасканан киистэнэн натюрморт уруһуйдатта,бастаан утаа кырааскаттан олус куттанабыт дэһэн баран,уруһуйдара табыллан олус үөрдүлэр.
Александра
Захарова дьиэ ааныгар ыйанар аныгылыы хордуонтан күлүүс ыйыыры оҥоттордо. Елена Аммосова эргэ танаһы иккис тыыннаан күрүчүөгүнэн өрө үөрэттэ. Айталина Хоноехова кылтан-сиэлтэн эти-сиини чэбдигирдэр масаастанар мээчик оҥорон астынан тарҕастылар.
Аҕам саастаах кырдьаҕастарбытыгар тапталбыт, убаастабылбыт, махталбыт муҥура суох. Кырдьар диэҥҥэ кыһаллыбакка, ыарыы диэни ылыммакка, чиргил, чэгиэн доруобуйаланыҥ, уу-чуумпу олохтонуҥ, ыбылы дьоллоох суолланыҥ, үрдүк түөлбэлэниҥ, үчүгэй тыл мүөттэниҥ, дьон хамсыырын толоруҥ, алгыс курдук олоруҥ!
Айталина Боронукская