Төрөөбүт тыл уонна сурук-бичик күнүгэр аналлаах саха тылын уонна литэрэтиирэтин нэдиэлэтин чэрчитинэн оскуолабытыгар «Поэзия хонуута» диэн уус-уран хоһоон ааҕыытын күрэҕэ буолан ааста.
Дьүүллүүр сүбэҕэ биһиги бары ытыктыыр, холобур оҥостор учууталларбыт Анна Петровна Булдакова, Татьяна Дмитриевна Ворогушина уонна Сырдык Айалхаана Баай оҕолор дорҕоонноохтук ааҕыыларын үрдүктүк сыаналаатылар. Бу күрэххэ хаһааҥҥытааҕар даҕаны элбэх үөрэнээччи кэлэн кыттыбыта кэрэхсэбиллээх. Бииртэн биир ураты дьоҕурдаах бэйиэттэрбит, суруйааччыларбыт төрөөбүт тылга анаан суруйбут уус-уран суруйуулара ааҕыллан, бүтүннүү кулгаах-харах буолан иһийэн олорон иһиттибит.
Дьүүллүүр сүбэ, түмүккэ түһүмэхтэринэн кыайыылаахтары ааттаталаан, үс бириистээх миэстэни үллэрдэ.
Биирдиилээн ааҕыы.
Алын сүһүөх:
1 миэстэ — Охлопкова Чөмчүүнэ, 4 кылаас,
2 миэстэ — Назаров Ньургун, 4 кылаас.
Орто сүһүөх:
1 миэстэ — Тарабукин Тускул, 5 кылаас,
2 миэстэ — Мярина Лариана уонна Елизаров Арсений, 5 кылаас үөрэнээччилэрэ үллэһиннилэр,
3 миэстэ — Булдакова Анжелика, 7 кылаас.
Улахан сүһүөх:
1 миэстэ — Уткин Алеша, 10 кылаас,
2 миэстэ — Петрова Сайаана, 8 кылаас,
3 миэстэ — Павлов Максим, 10 кылаас.
Бөлөҕүнэн ааҕыы:
1 миэстэ — 4 кылаас үөрэнээччилэрэ.
2 миэстэ — 2 кылаас үөрэнээччилэрэ.
3 миэстэ — 1 кылаас уонна 6 кылаас үөрэнээччилэрэ үллэһиннилэр.
Ону таһынан Татьяна Дмитриевна анаабыт «Кэскиллээх айааччы» анал аат кыайыылааҕынан 4 кылаас үөрэнээччитэ Назаров Ньургун буолла. Мярина Ларияна Сырдык Айалхаана Баай анаабыт «Иэйиилээх ааҕааччы» анал аатын сүктэ. Уткин Алеша Дорҕоон Дохсун анаабыт «Тыл хоһууна» бириэмийэ хаһаайына буолла.
Хоһоон алыптаах хонуутугар бука бары истиҥник сэһэргэһэн, астынан, дуоһуйан кыттыбыккытыгар махтанабыт!
Саһыл орто оскуолатын пресс-киинэ