Үөгэн нэһилиэгэр Эр дьон сүбэтин тэрийэр сыаллаах, бүгүн ытыы (пневматическай саанан) күрэҕэ ыытылынна. Уопсайа 12 эр киһи кытынна. Эдэрдэргэ — алта, бэтэрээннэргэ алта кыттааччы.
Уопсай түмүккэ, эдэрдэргэ бастакы миэстэни Алексей Бурцев, иккис Василий Гоголев, үһүс Юрий Сотрудников ыллылар. Бэтэрээннэргэ бастакы Валерий Васильевич Деляев, иккис- Николай Николаевич Келин, үһүс саамай аҕа кыттааччыбыт — Семен Егорович Матаркин буоллулар. Маны таһынан, абсолютнай ытыыга «Бэргэн ытааччы» анал ааты Юрий Сотрудников ылла.
Күрэххэ бирииһи Үөгэн тэрилтэлэрэ: оскуола, детсад, кулууп, ЖКХ, библиотека, ФАП туруордулар. Түгэнинэн туһанан тэрилтэлэрбитигэр уонна бу күрэҕи иилээн -саҕалаан ыыппыт Николай Николаевич Келиҥҥэ улахан махталбытын тиэрдэбит.
Татьяна Гоголева