Сергей Гаврильевич 2009 сыллаахха бааһынай хаһаайыстыба тэриммит. Хаһаайыстыбатын алта ынахтан саҕалаан, билигин хороҕор муостааҕа балачча элбээбит. Кини Арыы Толоон учаастагар саха төрүт дьарыгынан сүөһү, сылгы иитиитинэн, оттооһунунан, эбиэс олордуутунан дьарыктанар.
Анастасия Дмитриевна уонна Михаил Николаевич Степановтар Арыы Толооҥҥо олохсуйан олороллор. Кинилэр үс оҕолоохтор. Кыыстара үлэһит буолан атын сиргэ олорор уонна икки уолаттара оскуолаҕа үөрэнэллэр. Степановтар сүөһү, сылгы, куурусса иитэллэр, оҕуруот аһын үүннэрэллэр. Аҕалара уһанар.
Сардаана Семёновна Кириэс Халдьаайы төрүт олохтооҕо, урбаанньыт, иистэнньэҥ, өрөспүүбүлүкэтээҕи интерактивнай «Далбар Хотун-2021» күрэх кыайыылааҕа, тыа хаһаайыстыбатынан дьарыктанар, ийэ, эбэ. Кэргэнин кытта, Атаков Семён Васильевичтыын, ыал буолан олорбуттара 36 сыла буолбут. Түөрт оҕолоохтор, уонтан тахса сиэннээхтэр. Татьяна – Кириэс Халдьаайыга урбаанньыт, Аурика – Дьокуускай куоракка урбаанньыттыыр, Галина – Уус Майаҕа экономистыыр, Семён – Саха сирин, Арассыыйа спордун маастара, мас тардыһыытынан дьарыктанар, тренер.
Сиһилии хаһыат 30 №-гэр ааҕыҥ.
Айгылаана