Жители Томпонского улуса искренне радуются за якутян Филиппа Евсеева и Алексея Неустроева, членов экипажа танка «Алеша», награжденных Верховным Главнокомандующим, Президентом России Владимиром Путиным звездами «Героев России».
Михаил Неустроев, председатель райсовета депутатов МР «Томпонский район»: — Вся республика сегодня утром посмотрела кадры награждения президентом Путиным В.В. героического экипажа танка с позывным «Алеша». И всех нас, якутян, искренне радует и восполняет чувство гордости за наших ребят-земляков, Алексея Неустроева и Филиппа Евсеева. На войне страшно, но там имеет место быть подвигу! И этот подвиг совершают скромные, незаметные парни из далекой глубинки, защищая честь Родины! От всей души разделяю радость родных и близких Героев, желаю всем вернуться домой с победой, живыми и невредимыми.
Евсей Кривошапкин, 83 года, с. Мегино-Алдан: — Сегодня на всю Россию прозвучали имена якутян Филиппа Евсеева и Алексея Неустроева. Владимир Владимирович Путин вручил им Золотые звезды. Мы, жители огромной Якутии, гордимся нашими бойцами, которые с честью выполнили свой воинский долг.
Советскай Союз Геройа Федор Охлопков уола, РФ уопсай үөрэхтээһинин Бочуоттаах үлэһитэ, Учууталлар учууталлара, Байаҕантай нэһилиэгин Бочуоттаах олохтооҕо Александр Федорович Охлопков:
— Икки саха уола Герой буолбуттарыттан ис дууһабыттан үөрэбин, астынабын. Саха уолаттара айылҕаттан айдарыылаах, булчут төрүттээх дьон. Видеоҕа да көстөр бэргэнник ыталлара, техниканы үчүгэйдик ыыталлара. Саха оҕото сааҕа-сэпкэ ис-иһиттэн ыбаахтаах. Оскуолаҕа ытыыга күрэхтэһии ыыттахха ол көстө сылдьар буолааччы. Сааны сэрэхтээхтик туттан, сиргэ-уокка хонон, тоҥон-хатан, буһан, аччыктаан ыарахаттары туоруурга үөрүйэхтэр. Сэриигэ да тиийэн санаалара кытаанах, толкуйдуулларын сүтэрбэккэ сырыттахтара. Биһиги уолаттарбытын убаастаан, өйдөөн Герой аатын иҥэрбиттэригэр саха норуота наһаа үөрдэ, астынна. Биһиги аҕабыт Федор Матвеевич Охлопков 1965 сыллаахха Герой буолбутугар саха норуота барыта ис дууһатыттан үөрбүтэ. Саха АССР Үрдүкү Сэбиэтин президиумун бэрэссэдээтэлэ Александра Овчинникова бэйэтэ Герой сулуһун туттарбыта. Дьокуускай стадионуттан саҕалаан бырааһынньык буолбута. Билигин уолаттар Россия президенэ Владимир Путинтан Герой сулуһун ылбыттара көрөргө наһаа үчүгэй. Сэриигэ сылдьар саха чулуу уолаттарыгар биири баҕарабын: дойдугутугар чэгиэн, өйгүтүн-санааҕытын уларыппакка хайдах бааргытынан кэлиҥ.
Икки төгүл үөрүү
Бүгүҥҥү сарсыарда үчүгэй сонунунан саҕаланна. Бэҕэһээ Курскай тоҕойго сэрии буолбута 80 сылын бэлиэтиир тэрээһин буолбута. Биллэрин курдук, аҕыс уон сыллааҕыта Аҕа дойду Улуу сэриитигэр тааҥканан кыргыһыы муҥутуур утары турсуутун түмүктүүр кырыктаах охсуһуута буолбута. Ньиэмэс аатырбыт тааҥкалара кыайабыт диэн уоттаах сэриигэ киирбиттэрэ. Ол күүстээх модун тимир күүһүн биһиги сэбиэскэй сэриилэрбит эрэллээхтик утары көрсүбүттэрэ. Түмүгэр биһиги сэриибит кыайбыта. Улуу кыайыы бастакы олуга ууруллубута. Ол уотунан, тэргэнинэн уһуурар сэриигэ саха уолаттара бааллара. Кинилэр хорсуннук сэриилэспиттэрэ. Билигин аны кинилэр хос сиэннэрэ эмиэ урукку курдук кырыктаах сэриигэ кытта сылдьаллар. Ол курдук бу күн бэрэсидьиэн Путин В.В. икки саха уола Дьоруой Кыһыл Көмүс сулуһун бэйэтинэн кинилэр түөстэригэр ииллэ. Дьэ, бу үчүгэй. Кырыктаах кыргыһыыга соҕотох кэриэтэ хаалбыт «Алеша» тааҥка чугуйбакка бэйэтин хас эмэ төгүл баһыйар тимир көлөлөөх өстөөх сэриилэрин куттаммакка көрсүбүтэ. Саха уола сатабыллаахтык салайбыта ыарахан тимир көлөнү. Онтон ытар буускаҕа атын саха уола олорбута. Ол уол түргэн бэргэн ытыыларынан иннигэр көрбүт тимир адьырҕа көлөлөрүн барытын таппыта. Үчүгэй сөптөөх салайыынан, бэргэн, биирдии сууһарыылаах ытыыларынан кинилэри көрөн ытыах гыммыт өстөөх сэриитин сэбин суох гыммыттара. Онон дьоруойдуу хорсун быһыыларын көрдөрдүлэр. Маладьыастар диибит. Сахаларын аатын түһэн биэрбэтилэр. Кинилэр хорсун быһыыларын Аан дойду араас муннуктарыгар көрдүлэр дииллэр. Аныгы үйэҕэ оннук. Итинник көстөн Евсеев Филипп төрүт да наҕараадаттан мэлийиэх киһи, кырдьык өрөгөйдөөн тиксибитигэр биһиги саха дьоно уон төгүл үөрэбит.
Килэйбит киэҥ саалаҕа икки саха уолугар биирдии-биирдии ыҥыртаан Дьоруой Сулуһун Аҕа баһылык бэйэтинэн иилэттээтэ. Саха уола махтал тыллары дьоһуннук эттэ. Этиитэ андаҕар курдук, оннук да буолуохтаах буоллаҕа. Кинилэр Бэрэсидьиэҥҥэ киириилэригэр сахалыы соҕус хааман киирдилэр диэн мин тус бэйэм бэлиэтиибин. Хайдах эрэ урукку өбүгэлэрбитин санатар хаамыы. Тыа киһитин үлэһит киһи хаамыыта. Аҕа дойду сэриитигэр төһөлөөх элбэх саха уолаттарын хорсун быһыылара нууччалыы билбэттэн бэлиэтэммэккэ хаалбыттара буолуой?
Бу да сырыыга кинилэри бэлиэтиир кэмҥэ тааҥканы салайан сөптөөхтүк сүүрдэ сылдьыбыт Филипп бааһыран суох кэмигэр түбэспит. Кэмигэр сөптөөх туруорсуу түмүгэр уол хорсун быһыыта сөптөөхтүк сыаналаммытыттан үөрэбит. Итинник туруорсуу куруук баар буолуохтун. Дьоруой аата, кини хорсун быһыыта умнууга хаалыа суохтаах. Бу буолуо этэ, ааттара ааттаммакка кыргыһыы хонуутугар охтубут урукку да билиҥҥи сэриигэ охтубут буойуттарбыт кэриэстэрин туолуута.
Саха саллааттара Филипп Александрович Евсеевы уонна Алексей Михайлович Неустроевы бүтүн саха норуота эҕэрдэлиир.
Уруй-айхал тылларын этэбит.
Алаас Уола. Хаандыга.