Ыам ыйын 15 күнүгэр Е.П. Неймохов аатынан олохтоох түмэл дьиэтигэр Мэҥэ Алдан нэһилиэгэр Дьиэ-кэргэн уонна Оҕо сылыгар аналлаах «Уран тарбахтаах дьиэ-кэргэн» быыстапката арылынна.
Быыстапкаҕа Мэҥэ Алдан нэһилиэгин талба талааннаах айар дьоҕурдаах дьиэ-кэргэттэрин айан-тутан, чочуйан оҥорбут, элбэх сыраларын уурбут оҥоһуктара турдулар.
Рудыхтар, Захаровтар, Протопоповтар, Хоноеховтар, Колодезниковтар дьиэ-кэргэттэрин сатабылларын, дьоҕурдарын, билиилэрин туһанан илиилэрин сылааһын иҥэрбит бииртэн биир кэрэ оҥоһуктара киһи хараҕын сымнатар, үөрдэр.
Кэлиҥ, сэргээҥ, кэрэхсээҥ, дуоһуйуҥ!
Мотрена Комиссарова.