Бүгүн ахсынньы 1 күнүгэр Дьокуускай куоракка «Олоҥхоһуттар сыдьааннарын уонна үйэтитээччилэрин өрөспүүбүлүкэтээҕи форума» буола турар.
Өрөспүүбүлүкэҕэ улахан суолталаах кинигэ бэчээттэнээри турар. Ол курдук Олоҥхоһуттар ааттарын үйэтитэр энциклопедия I-кы тома кэлэр сылга тахсаары турар.
Улахан сыранан, энтузиаст дьоммут чинчийэр үлэлэринэн уонна аймахтар ахтыыларыгар олоҕуран Томпо оройуонуттан икки олоҥхоһут туһунан үтүмэн матырыйаал хомулунна.
Ол курдук, Альбина Семеновна Колодезникова Мэҥэ-Алдан олоҥхоһутун Михаил Петрович Колодезников — Алаадьы Мэхээлэ уонна Мира Федоровна Охлопкова хос эһээтин Кэскил нэһилиэгиттэн Иван Андреевич Охлопков — Кугас Уйбаан туһунан иһитиннэрии оҥордулар.
Форумҥа Оройуоннааҕы култуура сайдыытын уонна норуот айымньытын киинин салайааччыта Ирина Бодруг, специалист Нарыйа Афанасьева уонна Е.П Неймохов аатынан Мэнэ-Алданнааҕы түмэл специалиһэ Мотрена Комиссарова кыттыыны ыллылар.
Нарыйа Афанасьева