От ыйын 3 күнүгэр Е.П. Неймохов аатынан түмэлгэ «Социальнай харалта – олох ирдэбилэ» диэн кинигэ сүрэхтэниитэ буолла. Кинигэ ааптара Николай Егорович Ефимов – Саха өрөспүүбүлүкэтин социальнай сулууспатын туйгуна, Саха өрөспүүбүлүкэтин гражданскай уонна судаарыстыбаннай сулууспатын туйгуна, Саха өрөспүүбүлүкэтин хаһаайыстыбатын үтүөлээх үлэһитэ, Томпо оройуонун бочуоттаах олохтооҕо. Кинигэ оройуоҥҥа социальнай харалта тэриллиитин уонна сайдыытын кэпсиир, бу хайысхаҕа үлэлээбит уонна үлэлии сылдьар дьону сырдатар. 1992 сыллаахха Томпо оройуонугар нэһилиэнньэ социальнай харалтатын отдела, онтон Управлениета тэриллибитэ.
Кулун тутар 2 кунугэр 2001 сыллаахха Мэнэ Алдаҥҥа өр сылларга быра5ыллан турбут оскуола дьиэтин уонна «Хандыгауголь» хочуолунайын чөлүгэр туһэрэн, хапытаалынай өрөмүөн ыыттаран, 25 миэстэлээх Томпо улууһун аҥардас кырдьаҕастарын уонна инбэлииттэрин интэринээт дьиэтэ судаарыстыбаннай тэрилтэ үөрүүлээх быһыыга-майгыга аһыллыбыта. Дириэктэринэн Екатерина Тимофеевна Скрыбыкина ананан үлэлээбитэ. Екатерина Тимофеевна оройуон уонна олохтоох дьаһалтаны кытары ыкса ситимнээхтик үлэлээн бу тэрилтэ тэриллиитигэр, арыллыытыгар, каадырдары талыыга улахан бол5омтотун ууран туран үлэлээбитэ. Күүстээх үлэ түмүгэр 9 сыл иһигэр өрөспүүбүлүкэ социальнай тэрилтэлэрин ортотугар биир үчүгэй базалаах, таһаарыылаах үлэлээх-хамнастаах тэрилтэ буолбута. Бу тэрилтэҕэ үлэлээбиттэрэ: Скрыбыкина Екатерина Тимофеевна – интэринээт дириэктэрэ, Иванов Леонид Михайлович – дириэктэри хаһаайыстыбаннай чааска солбуйааччы, бухгалтерынан Иванова Ольга Прокопьевна, Хоноехова Айталина Михайловна, Ефимова Мария Романовна, биэлсэринэн Габышева Мария Ивановна, Попова Вера Николаевна, медсиэстэрэ Захарова Светлана Николаевна, ыскылаат сэбиэдиссэйинэн Захарова Мира Михайловна, Байбаллыкова Саргылана Александровна, культурнай-маассабай үлэни тэрийээччи Попова Елена Гаврильевна, сиэстэрэ-хаһаайканан Николаева Прасковья Ивановна, Колодезникова Саяна Гаврильевна, Захарова Мира Михайловна, суоппарынан Колодезников Афанасий Николаевич, Байбаллыков Алексей Романович, Егоров Александр Андреевич, асчытынан Протопопова Вера Михайловна, асчыт көмөлөһөөччүтэ Колодезникова Светлана Алексеевна, иһит сууйааччынан Ефимова Марта Алексеевна, Захарова Агафья Михайловна, санитарканан Дарбасова Зинаида Иннокентьевна, Гоголева Мария Гаврильевна, Колодезникова Мария Афанасьевна, Кривошапкина Ирина Павловна, Колодезникова Анна Афанасьевна, сварщигынан уонна сантехнигынан Кривошапкин Егор Дмитриевич, хочуолунай операторынан Оконешников Михаил Николаевич, Степанов Макар Макарович, Колодезников Леонид Афанасьевич, Колодезников Роман Семенович, техүлэһит Долгунова Татьяна Гаврильевна, оробуочай Колодезников Егор Кимович, таҥас сууйааччы Колодезникова Анна Егоровна, баанньык сэбиэдиссэйэ Тырахинова Розалия Кимична.
Кэлбит ыалдьыттар ааспыты ахтан-санаан, ирэ-хоро дуоһуйа кэпсэттилэр. Кырдьаҕастар уонна инбэлииттэр интэринээт дьиэтигэр үлэлээбит дьон аатыттан ахтыыны оҥордо Елена Гаврильевна Попова. Социальнай харалта Управлениетыгар 17 сыл үлэлээбит Мария Васильевна Сыромятникова социальнай харалта Управлениетын үлэтин-хамнаһын ахтан-санаан ааста, олохтоох дьаһалта аатыттан баһылыгы солбуйааччы Олимпиада Афанасьевна Колодезникова, ыалдьыттартан Зоя Ильинична Колодезникова тыл эттилэр. Кинигэ сүрэхтэниитэ ис-киирбэхтик, сылаастык ааста. Түмүккэ Николай Егорович кэлбит ыалдьыттарга барыларыгар кинигэтин бэлэх уунна. Николай Егоровичка сыралаах үлэтин түмүгэр дьоһуннаах кинигэ бэчээттэнэн тахсан сүрэхтэммитинэн өссө төгүл эҕэрдэлиибит уонна инникитин дьаныардаах үлэтигэр ситиһиилэри баҕарабыт.
Мотрена Комиссарова