Сайдыы нэһилиэгин оҕо спортивнай оскуолатын дириэктэрэ Михаил Дмитриевич Аммосов: — Соторутааҕыта Хабаровскай куоракка Уһук Илиҥҥи федеральнай уокурукка көҥүл тустууга бастыыр иһин сүүмэрдиир күрэхтэһии буолан ааста. Көбүөргэ 2009-2010 сыллааҕы төрүөх спортсмен сэттэ уокуруктан кытынна. Саха сирин сборнайыгар Томпо оройуонуттан 5 оҕо: 3 уол, икки кыыс кииристэ.
Кыргыттарбыт Люба Кислякова 33 кг. тустан чемпионнаата, Алена Диодорова 70 кг. иккис миэстэни ылла.
Кинилэр кулун тутар 24 күнүгэр Россияҕа бастыыр иһин күрэхтэһиигэ кыттыахтара. Ону таһынан, Саха сирин сборнайыгар киирэн, быйыл ыытыллар «Азия оҕолоро» омуктар икки ардыларынааҕы спорт оонньууларыгар саха сирин көмүскүөхтэрэ.
Мария Захарова