Ол курдук, дойдубут бэрэсидьиэнэ «Россия ыччата» национальнай бырайыагы олохтоото. 2024 сыл балаҕан ыйын 1 күнүттэн оскуолаларга, колледжтарга дириэктэр сүбэһитигэр эбии 5 тыһыынча солкуобай төлөнүөҕэ. Кулун тутар 1 күнүттэн кылаас салайааччыларыгар, эбэтэр бөлөх кураатардарыгар федеральнай төлөбүр 10 тыһыынча солкуобайга диэри үрдүөҕэ. Педагогическай вузтар эбийиэктэрин саҥардыыга федеральнай бүддьүөттэн тоҕус миллиард солкуобайы тыырыахтара.
Үрдүк үөрэх кыһаларыгар докумуоннары туттарыы хампаанньата түмүктэниэр диэри выпускник биир кэлим эксээмэҥҥэ биир предмети иккистээн туттарыан сөп.
Кэлэр сылтан уһуйааннарга хапытаалынай өрөмүөнү ыытарга тустаах бырагыраама үлэлээн саҕалыаҕа.
Оскуолаларга медицинэ кэбиниэттэрин арыйыы эбэтэр саҥардыы оҥоһуллуоҕа. Бу этиллибит сорук үөрэх эйгэтэ инникитин тэтимнээхтик сайдарыгар төһүү күүс буолуоҕа.
Елена Винокурова, Томпо оройуонун үөрэх үлэһиттэрин профсоюзнай тэрилтэтин бэрэссэдээтэлэ