Сэтинньи 24 күнүгэр Ыҥаа нэһилиэгэр Олоҥхо күнүгэр уонна саха чулуу уола П. А. Ойуунускай 130 сааһыгар аналлаах «Дьулуруйар Ньургун Боотур» олоҥхотунан оскуола үөрэнээччилэрин, төрөппүттэрин, учууталларын кыттыылаах музыкальнай дьүһүйүү киэһэтэ буолан ааста. Киэҥ саалаҕа мустубут нэһилиэк олохтоохторо оҕолорун, сиэннэрин толорууларын көрөн астынан, дуоһуйан тарҕастылар. Олоҥхо толорооччутунан оскуола 9 кылааһын үөрэнээччитэ Эркин Борисов буолла. Маҥнайгы кылаастан алтыс кылааска дылы үөрэнээччилэр үрдүк таһымнаахтык оонньоотулар. Сүрүн оруолу толорооччулар Мия Кынтоярова, Алеша Гаврильев, Семен Захаров, Слава Захаров бэйэлэрин оруолларын кыайа-хото толордулар. Төрөппүттэр уонна үөрэнээччилэр уруһуйдарынан быыстапка буолла. Тэрээһин түмүгэр күрэх кыайыылаахтарын биллэрдилэр.
Светла Попова
