Ийэ күнүн көрсө Мэҥэ Алдан спортивнай саалатыгар Н.И. Колодезников аатынан култуура дьиэтэ «Күн күбэй ийэлэр» диэн көрдөөх күрэс ыытта. Манна үс түөлбэ ийэлэрэ быыс-арыт булан кэлэн кыттыыны ыллылар: «Сарыал» түөлбэ, «Чараҥ» түөлбэ уонна «Алдан» түөлбэ. Түөлбэлэр бары дьиэтээҕи сорудаҕы бэлэмнээн кэлэн чаҕылҕай эҕэрдэ нүөмэрдэри көрдөрдүлэр. Тыҥааһыннаах күрэх түмүгүнэн кыайыылааҕынан «Сарыал» түөлбэ буолла. Ийэ күнүнэн эҕэрдэ ырыаларын бэлэхтээтилэр Мэҥэ Алданнааҕы орто оскуола оҕолоро, Александр Юмшанов, Күннэй Гладкина. Оҕо уонна искусство оскуолатын үөрэнээччилэрэ үҥкүүнэн эҕэрдэлээтилэр. Тэрээһиҥҥэ кыттыыны ылбыт дьоммутугар барыгытыгар махтал буолуохтун.
Елена Степанова
