Владимир Путин РФ Федеральнай Мунньаҕар анал этиитин истэн баран, Хайа геологиятын тэрийээччи педагога Оксана Кириллина санаатын үллэһиннэ:
— РФ Президенэ В.В. Путин киэҥ уонна дириҥ суолталаах этиитигэр, дойдубут эрэгийиэннэрэ тэтимнээх сайдыыларыттан дойду бүттүүнүн сайдыыта тутулуктааҕын чорботон бэлиэтээтэ. Ол курдук, «Россия ыччата» диэн саҥа проект көрүллүөҕэ. Ону таһынан, педагогтарга эбии көмө көрүллэрин иһитиннэрдэ. Эбии саҥа үөрэх тутуулара, спорт балаһааккалара эбиллиэхтэрэ.
Эдэр ыччат — биһиги кэнэҕэски кэскилбит, инникибит. Ол иһин билигин эдэр ыччакка көмө, өйөбүл баарыттан, ыччат сайдарын, элбэҕи оҥорон таһаарарын туһугар тэриллэриттэн киһи үөрэр.