Олунньу 21 күнүгэр СӨ Бырабыыталыстыбатын бөлөҕө Мэҥэ Алдан нэһилиэнньэтин иннигэр отчуоттаата. Мунньаҕы СӨ Бырабыытылыстыбатын Бэрэссэдээтэлин бастакы солбуйааччыта Садовников Дмитрий Дмитриевич салайан ыытта.
Кыттыыны ыллылар: Садовников Дмитрий Дмитриевич — Саха Өрөспүүбүлүкэтин Бырабыылыстыбатын Бэрэссэдээтэлин бастакы солбуйааччыта. Лебедев Виктор Николаевич — Саха Өрөспүүбүлүкэтин Ил Түмэн депутата, Рахлеев Прокопий Дмитриевич — Саха Өрөспүүбүлүкэтин Ил Түмэн депутата, Романов Виктор Дмитриевич — Саха Өрөспүүбүлүкэтин тутуу миниистирэ, Наумова Яна Владимировна-нэhилиэнньэ бигэ туруктаах буолуутун хаачыйар миниистирин солбуйааччыта, Николаев Прокопий Романович — Саха Өрөспүүбүлүкэтин тыа хаhаайыстыбатын миниистирин солбуйааччыта, Наумова Анна Васильевна — Ил Дархан уонна Саха Өрөспүүбүлүкэтин информационнай политика уонна массовай коммуникация референа, Платонов Руслан Михайлович — ГКУ «Центр ресурсного обеспечения развития образования Республики Саха (Якутия)» салайааччытын э.т. Винокуров Руслан Николаевич — Саха Өрөспүүбүлүкэтин «Республиканский центр технического учета и технической инвентаризации» ГУП салайааччыта, Чан Валентин Кансикович — Саха Өрөспүүбүлүкэтин Бырабыылыстыбатын Бэрэссэдээтэлин бастакы солбуйааччытын көмөлөһөөччүтэ.
Отчуокка нэһилиэк бэрэстэбиитэллэрэ, Томпо оройуонун салалтата, нэһилиэк биллэр-көстөр дьоно кыттыыны ылла.
Дмитрий Дмитриевич 2023 сылга өрөспүүбүлүкэ сүрүн ситиһиилэрин кэпсээтэ. Үлэ хайдах барбытын туһунан сиһилии дакылааттаата. Үгэс курдук отчуот кэмигэр нэһилиэнньэттэн ыйытыылар киирдилэр.
Мэҥэ Алдан ытык олохтооҕо, аҕа саастааҕа, сэрии кэмин оҕото Евсей Александрович Кривошапкин хас даҕаны ыйытыгы бырабыыталыстыба туһааннаах бэрэстэбиитэллэригэр биэрдэ. Холобура, сүөһү төбөтүгэр көрүллэр харчыны отчуоттааhыҥҥа ыарахаттары көрсүүнү, кырдьаҕастары дьиэнэн хааччыйыы бырагыраамма олохтонуутун. Арассыыйа уопсай үөрэҕириитин бочуоттаах үлэһитэ, СӨ үөрэҕэриитин туйгуна Татьяна Петровна Неймохова иккис котельнай тутуллуутун туһунан чопчуласта. Мэҥэ Алдан кулуубун салайааччыта Елена Геннадьевна Степанова нэһилиэк кулуубун тутуутун бырайыага бүтэһик кэрчигэр кэлбитин кэннэ тиһэҕэр диэри тириэрдэллэригэр көрдөстө. Томпо оройуонун Мэҥэ Алдан Олох-дьаhах хаhаайыстыбатын маастара Слепцов Иннокентий Валерьевич уот ситимин сүрүн подстанцията ПС-35 уонна кыра подстанциялара эргэрбиттэринэн сибээстээн уларыталларыгар, уот бардаҕына резервнай уоту биэрэр подстанция көрүллэригэр уонна уулуссаны сырдатыы үлэтэ бардаҕына лаампалар ыйаннахтарына «Якутскэнерго» ПАО тэрилтэҕэ аренда төөөһүнүн сытыы боппуруостарын ыйытта. Оскуола дириэктэрэ Татьяна Егоровна Ордахова национальнай бырайыакка киирбит оскуола өрөмүөнэ тохтообута хомолтолооҕун уонна оскуола иһэ-таһа өрөмүөҥҥэ наадыйарын чуолаан эттэ. Ол туһугар ылсалларыгар баҕарда. Ону таһынан агрооскуола буоларынан үүнээйи, сир аһа олордорго техника, күрүөлэр эргэрбиттэрин эттэ. Санатан аастахха, быйыл Мэҥэ Алдан орто оскуолата 110 сылын туолар. Олохтоох түмэл үлэһитэ Мотрёна Германовна Комиссарова 2025 сылга саха норуодунай суруйааччыта Е.П. Неймохов 75 сааhын бэлиэтииргэ аналлаах тэрээhиннэри өрөспүүбүлүкэтээҕи тэрээhиннэр былааннарыгар киллэрэриини туруоруста. Мэҥэ Алдан 4 нүөмэрдээх баһаарынай чаас салайааччыта Гаврил Павлович Христофоров үлэриир дьиэлэрэ эргэтин эттэ, онон саҥа баhаарынай чаас дьиэтэ тутулларын туруоруста.
Саха Өрөспүүбүлүкэтин Тыа хаһаайыстыбатын бэтэрээнэ Андросов Семен Прокопьевич сааскы халаан уута сыллата аайы нэhилиэкпит биэрэгин сууйарын, муус алдьатарын иһитиннэрдэ уонна биэрэги бөҕөргөтөр үлэни ыытарга боппуруоһун көтөхтө. Ону таhынан нэһилиэнньэни ГСМ-нан хааччыйыы ыараххаттардааҕын, сапыраапка тутуллара кыаллыа дуо диэн ыйытта, ону таhынан тыа хаһаайыстыбатын сайдыытыгар улахан суолталаах саҥа маслоцех дьиэтэ тутуллуутун туруоруста. Мэҥэ Алдан баһылыгын солбуйааччыта Олимпиада Афанасьевна Колодезникова хаарбах дьиэттэн көһөрүү бырагырааматыгар көтүрүү үбүн быраграмма чэрчитигэр киллэриэххэ сөбүн эттэ. «Кыымчаан» уһуйаан методиhа Варвара Яковлева нэhилиэнньэ ыраас уунан хааччыллыылах буоларын туhугар саҥа водозабор бырайыага оҥоhулларын уонна тутуутун болҕомтоҕо ылалларыгар көрдөстө. Бары ыйытыыларга бБырабыыталыстыба бэрэстэбиитэллэрэ толору хоруйдаатылар. Мэҥэ Алдан олохтоохторо Бырабыыталыстыба үлэтин үрдүк таһымнаахтык сыаналыылларын биллэрдилэр.
Мунньах түмүгүнэн боротокуол толоруллунна уонна бу киирбит боппуруостар хонтуруолга ылыллыахтара диэн иhитиннэрдилэр.
Мунньах үөрүүлээх түгэнтэн саҕаламмыта. Бырабыытылыстыба үлэһиттэрэ Иванов Евгений Евгеньевич уонна Дьячковская Айталина Ивановна, Степанов Николай Дмитриевич уонна Степанова Василиса Николаевна, Татаринов Гаврил Сергеевич уонна Татаринова Любовь Семёновна дьиэ кэргэннэригэр «Обеспечение качественным жильём», «Обеспечение жильём молодых семей» судаарыстыба бырагырааматынан Саха сирин иһинэн дьиэ ылыытыгар (тутуутугар) 1534 477,46 сууммалаах сэртипикээт туттардылар.
СӨ Бырабыытылыстыбатын аатыттан махтал суругу Христофоров Г.П., Слепцов И.В. туттардылар. Арассыыйа киин быыбардыыр хамыыhыйа аатыттан Слепцова А.В. махтал суругу туттардылар. СӨ Үөрэҕин министиэристибэттэн махтал суругу Сухомясова Е.А. туттардылар.
Екатерина Григорьева