Алтан чуораанынан чугдааран,
Үөрэх дьыла саҕаланна,
Оҕо аймах иннигэр
Оскуола аанын тэличчи арыйда.
Көмүс күһүн кэлиитэ
Көмүс дуйун бүрүнүүтэ
Оскуолабыт аһыллан
Оҕо саҥатынан туолар
Балаҕан ыйын бастакыта
Буолла эбээт биһиэхэ
Оскуолаҕа кэлэммит
Киирдибит кылааска.
Балаҕан ыйын 1 күнүгэр П.П.Колодезников аатынан оҕо музыкальнай оскуолатыгар Билии күнүгэр аналлаах үөрүүлээх линейка буолла.Ардаҕы ардах,тыалы тыал диэбэккэ ,оҕолорбут барахсаттар сибэкки дьөрбөтүн тутан,бэйэлэрэ сибэкки кэриэтэ киэргэнэн , оттоон-мастаан, лаппа улаатан, уһун сынньалаҥ кэннэ оскуолабыт аанын үөрэ-көтө астылар.Биhиэхэ быйыл Казаннааҕы культура институтун выпускницата, режиссер үөрэхтээх театр кылааһыгар сана учуутал Анна Романовна Спиридонова үлэлии кэллэ.
Быйылгы 2023-2024 үөрэх дьылыгар
барыгытыгар айымньылаах үлэни, элбэх ситиһиини, туйгун доруобуйаны, дьолу-соргуну баҕарабыт!
Айталина Хоноехова