Бүгүҥҥү күн дьоҥҥо-сэргэҕэ тулалыыр эйгэни харыстыыр, кыыллары көмүскүүр наадатын туһунан өйдөтөр сыалтан бэлиэтэнэр.
Бу кыылы-сүөлү эрэ харыстааһыҥҥа буолбакка, дьиэ харамайдарын эмиэ көмүскээһиҥҥэ сыһыаннаах, тоҕо диэтэххэ, кэлиҥҥи сылларга кырыктаах туттуу холобурдара элбээн иһэр. Дьиэ кыыллара дьиэ кэргэн сорҕото диэн ааҕыллар, кинилэр эмиэ атын дьиэ кэргэн чилиэннэрин курдук бырааптаахтар.
Россия аан дойдуга дьиэ кыылын иитиигэ иккис миэстэҕэ бигэтик тутар. Арассыыйа хас биирдии үһүс ыала дьиэ кыылын иитэр.
Куоска
Мин куоскам аата Ася.
Мин куоскам таһырдьа тахсар.
Мин куоскам үчүгэй харахтаах.
Мин куоскам улахан.
Мин куоскам бороҥ дьүһүннээх.
Слепцов Рустам, 4 кылаас
Саһыл
Мин сөбүлүүр кыылым саһыл. Мин ийэм, аҕам уонна дьүөгэм саһылы эмиэ наһаа сөбүлүүллэр. Кыра сырыттахпына саһыл көстүүмнээх этим. Мин сөбүлүүр саһылбын элбэх ойуулукка көрөбүн.
Колодезникова Милана, 4 кылаас
Ыт
Мин ытым Атас диэн ааттаах. Мин ытым миигин эбээлээхпиттэн дьиэбэр диэри атаарар. Миэхэ доҕор буолар. Атас биһигинниин оонньуурун сөбүлүүр
Степанов Эрчим, 4 кылаас
Киисэ
Эдьиийим куоската Киисэ наһаа мааны.
Кырынаас курдук маҥан, хоп-хойуу, сып-сылаас түүлээх.
Киисэ сымнаҕас, эйэҕэс куоска.
Гуринов Мичил, 1 кылаас
Ыт – киһи доҕоро
«Ханнык кыылы сөбүлүүгүнүй?» диэн ыйыттахтарына миэхэ олус уустук ыйытык буолар, тоҕо диэтэххэ мин элбэх кыылы сөбүлүүбүн. Ол эрэн мин кыра эрдэхпинэ Доҕор диэн ааттах ыттаах этим. Наһаа өйдөөх ыт этэ. Биһиги олбуорбутугар ким эмит киирдэҕинэ үрэр этэ, дьиҥнээх көмүскээччибит этэ. Мин кинини олус диэн таптыыр этим, ол иһин киниэхэ анаан кистии-кистии ас таһааран биэрэрим. Миигин кытары наар оонньоон тахсар этэ уонна иккиэн үөрэ-көтө сүүрэн тахсарбыт. Урут кыыл киһиэхэ чугас доҕор буолар диэн сымыйа дии саныыр этим, ол гынан баран Доҕор баар буолбутун кэннэ итэҕэйбитим. Кырдьык ыт киһиэхэ чугас доҕор буолар эбит. Ытым мин улаатыахпар дылы баара. Онон мин кыыллартан саамай сөбүлүүр кыылым ыт буолар.
Күннэй Кириллова, 11 кылаас
Дьоллоох куоска
Дьокуускай куоракка
Дьоруой убайым
Дьону эмтээн бүтэн,
Дьиэтигэр киирэн иһэн,
Дьиэ кирилиэһиттэн
Дьикти өҥнөөх
Дьиэ кыылын,
Дьүдэйбит куосканы
Дьиэтигэр киллэрбит.
Дьэ, Заклёпка дьиэлэнэн
Дьоһун-мааны,
Дьоллоох куоска буолбут.
Розалина Григорьева, 6 кылаас